کانپور: جمیۃ علماء ہند کی جانب سے 'اجلاس معراج النبی' کا انعقاد

ریاست اترپردیش کے شہر کانپور میں جمیۃ علماء ہند کانپور کی جانب سے 'اجلاس معراج النبی' کا انعقاد کیا گیا اور اس دوران علمائے کرام نے کہا کہ فحاشی اور بے حیائی کی وجہ سے اللہ نے کورونا وائرس جیسی وباء پوری دنیا پر مسلط کر دی۔

جمعیت علماء ہند کے شہر کانپور یونٹ نے کانپور میں تین روزہ جلسہ معراج النبی کا انعقاد کانپور کے پریڈ گراؤنڈ پر کیا جس میں کثیر تعداد میں علمائے کرام نے شرکت کی۔ جلسہ میں علمائے کرام نے کورونا وائرس کو فحاشی اور بے حیائی کی وجہ سے آیا ہوا عذاب بتایا۔

جمیۃ علماء ہند کی جانب سے 'اجلاس معراج النبی' کا انعقاد

معروف عالم دین مفتی عفان منصور پوری نے کہا کہ مہلک بیماری عذاب کی شکل میں آتی ہیں جس کا کسی کو تصور بھی نہیں ہوتا۔ یہ اللہ کی طرف سے ہوتی ہے اور اللہ ہی اس کا ازالہ بھی کرتا ہے۔

جلسہ معراج النبی کانپور میں ہر برس ماہ رجب میں انعقاد کیا جاتا ہے جس میں علمائے کرام نبی کریم صلی اللہ علیہ و سلم کی حیات طیبہ اور خلفائے راشدین کی زندگی پر روشنی ڈالتے ہیں، لیکن اس بار علمائے کرام نے مہلک بیماری کیوں اور کیسے، کس لیے مسلط ہوتی ہے اس پر خصوصی روشنی ڈالی۔