وفد میں اسکولی طلبأ اور نوعمر محققین شامل تھے، جنہوں نے وائس چانسلر پروفیسر طارق منصور اور پرووائس چانسلر پروفیسر اختر حسیب سے بھی ملاقات کی۔
وفد کی قیادت ایران کے وزارت سائنس ریسرچ و ٹیکنالوجی کے تحت سائنس اور ٹیکنالوجی پارک وانٹی ٹیوٹ کی ڈائریکٹر ام البنین ہنرمند کر رہی تھیں۔
وفد نے خاص طور سے اے ایم یو کے انٹر ڈسپلنری بائیوٹیکنالوجی یونٹ کے کو آرڈینیٹر پروفیسر اسداللہ خان کی اینٹی مائیکرو بیل ریسرچ لیباریٹری کا دورہ کیا اور اینٹی مائیکروبیل رسسٹینس کے موضوع پر تحقیق اور دواؤں کی تیاری کے سلسلے میں معلومات حاصل کیں۔
وفد کے اراکین نے مائیکرو اسکو پی میں استعمال ہونے والی جدید ٹیکنالوجی کی جانکاری حاصل کرنے کے ساتھ ساتھ علمی وتحقیقی اشتراک کے امکانات پر بھی گفتگو کی۔