Demand Repeal of CAA and NRC: زرعی قوانین کی طرح سی اے اے کو بھی واپس لینے کا مطالبہ

ضلع سہارنپور کی سماجی کارکن ارم عثمانی نے کہا کہ 'زرعی قوانین کی طرح سی اے اے اور این آرسی کو بھی فوری طور پر واپس لیا جائے۔' Iram Usmani Demand repeal of CAA and NRC

سہارنپور:سپریم کورٹ کے سخت ریمارکس کے بعد اترپردیش حکومت نے شہریت ترمیمی قانون (سی اے اے) کی مخالفت کرنے والوں کو بھیجا گیا وصولی نوٹس واپس لے لیا۔ اسی کے ساتھ عدالت عظمیٰ نے ریاستی حکومت سے اس سلسلے میں وصول کی گئی رقم کو واپس کرنے کا بھی حکم دیا ہے۔ Yogi Govt Withdraws Notice to Anti-CAA Protesters

اس سلسلے میں ضلع سہارنپور کی سماجی کارکن ارم عثمانی نے سپریم کورٹ کے فیصلہ کا خیرمقدم کرتے ہوئے یوگی حکومت کو شدید تنقید کا نشانہ بنایا۔ Iram Usmani on yogi government

ارم عثمانی نے سی اے اے قانون تحریک کے دوران اترپردیش حکومت کی جانب سے جاری کیے گئے نوٹس کو سپریم کورٹ کی مداخلت کے بعد واپس لینے پر اسے سچائی کی جیت قرار دیا اور اس پر خوشی کا اظہار کیا۔

ارم عثمانی نے کہا کہ 'یہ مظاہرین کی بڑی جیت ہے، کیونکہ انہوں نے آئین کے دائرہ میں رہ کر اپنی آواز بلند کی تھی لیکن اس حکومت نے مذہب کے نام پر لوگوں کو نشانہ بنایا جس پر سپریم کورٹ نے حکومت کی سخت سرزنش کی۔'

سماجی کارکن ارم عثمانی نے کہا کہ 'زرعی قوانین کی طرح سی اے اے اور این آرسی کو بھی فوری واپس لیا جائے۔'