عالمی یوم اطفال کے موقع پر چار گھنٹے کے لئے سول لائن تھانہ انچارج بنی طالبہ اقرا بی اور پولیس کے ذریعہ تھانہ سول لائن علاقے میں مال گودام تراہے پر مشتبہ افراد، مشتبہ گاڑیوں اور بغیر ماسک والوں کی چیکنگ کی گئی۔
اس دوران شیو چرن کشیپ نامی ایک شخص کا پولیس کپتان شگن گوتم کے ساتھ بحث کا معاملہ بھی سامنے آیا۔
دراصل چیکنگ کے دوران بریلی کی جانب سے آ رہی کار نمبر یو پی 25 اے ایس8310 کو روک کر چیک کیا گیا۔ جس میں دو افراد شیو کرن کشیپ اور امت کمار بغیر ماسک لگائے ہوئے تھے۔
پولیس نے جب ان سے ماسک نہ لگانے وجہ پوچھنا چاہی تو وہ غصہ میں آکر ایس پی شگن گوتم سے بحث و مباحثہ کرنے لگے اور سرکاری کام کاج میں رخنہ ڈالنے لگے۔
پولیس کے ذریعہ کافی سمجھانے پر وہ لوگ نہیں مانے۔ پولیس نے دونوں شخص کو حراست میں لے لیا ہے۔ اس سلسلے میں تھانہ سول لائن رامپور پر دونوں ملزمین کے خلاف مقدمہ نمبر 396/20دفعہ 188، 269، 353 اور 3 وبائی امراض قانون کے تحت کارروائی کی گئی۔
مزید پڑھیں:
حراست میں لیا گیا شیو چرن کشیپ خود کو کسی سیاسی پارٹی کا رہنما بھی بتا رہا تھا، حالانکہ ابھی یہ واضح نہیں ہو سکا ہے کہ اس کا کس پارٹی سے تعلق ہے۔