ریاست اترپردیش کے ضلع کانپور میں آئی پی ایل میچ پر سٹا کھلا رہے تین سٹے بازوں کو پولیس نے گرفتار کیا ہے جبکہ ایک سٹے باز بھاگنے میں کامیاب رہا ہے۔ پولیس نے ان سٹے بازوں کے پاس سے تقریبا 30 لاکھ روپے برآمد کیا ہے۔
پولیس کی تحقیق میں یہ گینگ انٹرنیشنل گینگ سے جڑا ہوا ہے ایسا پتہ چلا ہے۔ پولیس نے گینگ کے دوسرے بڑے سٹے بازوں کی تلاش شروع کر دی ہے۔
کانپور کے گوال ٹولی علاقے میں آئی پی ایل میچ میں سٹا کھلا رہے تین شاطر سٹے بازوں کو پولیس نے گرفتار کیا ہے جبکہ ایک سٹے باز فرار ہونے میں کامیاب رہا ہے۔ پولیس نے ان سٹے بازوں کے پاس سے تقریبا 30 لاکھ روپے بھی برآمد کیے ہیں۔
پولیس نے اپنی تحقیق میں ان کے انٹر اسٹیٹ نیٹ ورک کا خلاصہ بھی کیا ہے۔ یہ سٹے باز آن لائن سٹا کھلاتے تھے۔ سٹا کی بکنگ بھی آن لائن یا کارڈ کے ذریعے سے کرتے تھے۔ یہ سٹے باز انٹر اسٹیٹ جس گروہ سے جڑے ہوئے تھے اس نے انہیں 50 ہزار روپے تک کا ہی سٹا کرانے کی اجازت دے رکھی تھی۔ اس لیے یہ 50 ہزار روپے تک کا ہی سٹا کھلاتے تھے اور اگر کوئی اس سے بڑا سٹا یعنی جوا کھیلنے والا آتا تھا تو یہ اپنے سے اوپر والے کے پاس اس کی لنک بھیج دیا کرتے تھے جہاں وہ لاکھوں روپے کا جوا کھیل سکتا تھا۔
پولیس نے جس انٹر اسٹیٹ گروہ کا اس سٹے کے کاروبار میں شامل ہونے کا دعوی کیا ہے ابھی تک اس گروپ کے کسی بھی فرد کو نہ تو گرفتار کیا جا سکا ہے اور نہ ہی کسی فرد کے ٹھکانے پر پولیس نے دبش دی ہے۔
