علی گڑھ میں انٹرنیٹ بـحال

ریاست اترپردیش کے ضلع علی گڑھ میں چھ روز کے بعد انٹرنیٹ سروس بحال کی گئی ہے۔

واضح رہے کہ اوپر کوٹ علاقے میں چل رہے شہریت ترمیمی قانون کی مخالفت میں پرامن طریقہ سے احتجاج کے دوران غیرسماجی عناصر کے ذریعے برپا کیے گئے تشدد کے بعد علاقے میں علیگڑھ انتظامیہ نے انٹرنیٹ سروس کو گزشتہ چھ روز سے بند کیا ہوا تھا۔

یاد رہے کہ اتوار کے روز پیش آئے واقعے میں تقریباً 20 افراد زخمی ہوئے تھے، اور ایک شخص کو گولی بھی لگی تھی، جس کا علاج جواہر لعل نہرو میڈیکل کالج اے ایم یو میں چل رہا ہے۔ جس کے بعد علیگڑھ انتظامیہ نے علاقے میں آر اے ایف، پی ایس سی، سول پولیس اور خاتون پولیس کو تعینات کیا ہوا ہے۔