لکھنو:بی جے پی اقلیتی مورچہ کے ریاستی صدر کنور باسط علی نے ای ٹی وی بھارت سے بات چیت کرتے ہوئے کہا کہ 21 جون کو عالمی یوم یوگا دنیا بھر میں منایا جاتا ہے، اتر پردیش بی جے پی اقلیتی مورچہ ریاست کے امداد یافتہ و غیر امداد یافتہ مدارس میں یوگا کے اہتمام کے لیے خصوصی تیاریاں کر رہی ہے۔ انہوں نے کہا کہ مورچہ نے سیکڑوں مدارس کی نشاندہی کی ہے جہاں پر عالمی یوم یوگا منایا جائے گا۔
اترپردیش مدارس میں بڑے پیمانے پریوگا کی تیاری انہوں نے مزید کہا کہ سماجوادی پارٹی و بہوجن سماج پارٹی نے مسلمانوں کو ورغلا کر یوگا جیسے اہم صحت مند ورزش کو مذہب سے جوڑ کر مسلمانوں سے کنارہ کشی کرنے پر زور دیا اور یہی وجہ ہے کہ ریاست کے مدارس میں بڑے پیمانے پر یوگا کا اہتمام نہیں ہوتا ہے۔ ہم لوگوں کی کوشش ہوگی جن مدارس میں یوگا کا اہتمام نہیں ہوتا ہے ان مدارس میں یوگا کرایا جائے تاکہ جسمانی طور پر طلبا مضبوط ہو سکیں۔
مزید پڑھیں:Khagaria Murder And Suicide بیوی اور تین بیٹیوں کا گلا کاٹنے کے بعد باپ نے خودکشی کرلی، دونوں بیٹوں نے بھاگ کر جان بچائی
انہوں نے کہا کہ نماز روزہ کو جسمانی ورزش سے نہیں جوڑ سکتے یہ مذہبی عبادتیں ہیں اور یوگا کا عبادت سے کوئی تعلق نہیں ہے، یوگا کے دوران جو منتر پڑھے جاتے ہیں وہ پڑھنا ضروری نہیں ہے یوگا ایک عالمی تہوار ہے اور اس میں سبھی کو شامل ہونا چاہ یے۔
