کورونا گائیڈ لائن کے مطابق یوم آزادی کا جشن

مرادآباد کے ڈی پی جی ایس اسکول میں 75 واں یوم آزادی کا جشن منایا گیا، اس دوران اسکول کے بچوں کو پروجیکٹر کے ذریعہ جشن آزادی کا لائیو پروگرام گھر پر ہی دکھایا گیا۔

مرادآباد: ملک بھر میں آج 75 واں جشن یوم آزادی منایا گیا۔ اتر پردیش کے مرادآباد کے مختلف اسکولز میں بھی جشن آزادی کے پروگرام کورونا گائیڈ لائن پر عمل کرتے ہوئے منایا گیا۔

اس دوران ہر سال کی طرح اس سال بھی مرادآباد کے ڈی پی جی ایس اسکول میں پروجیکٹر کے ذریعہ جشن آزادی کا لائیو پروگرام بچوں کو گھر پر ہی دکھایا گیا۔

اسکول کے ڈائیریکٹر ڈین کمانڈر منصور صدیقی نے ای ٹی وی بھارت اردو سے بات کرتے ہوئے کہا کہ 'تعلیم ہی انسان کو انسان بناتی ہے تعلیم کے ذریعے ہی ہم کسی بھی کامیابی کو آسانی سے حاصل کرسکتے ہیں۔

مزید پرھیں:

پروگرام میں موجود اساتذہ نے جشن آزادی پر تقریر کرتے ہوئے کہا کہ ملک کی آزادی ہمیں ایسے ہی نہیں ملی ہے، بلکہ ملک کی آزادی کے لئے ہر مذہب و ملت کے لوگوں نے اپنی جان قربان کرکے اس ملک کو آزاد کرایا ہے، ملک کی آزادی کی اس قربانی کو بھلایا نہیں جاسکتا۔

وہیں سماج سیوی اور ہینڈی کرافٹ یونین کے سیکریٹری نعمان منصوری نے اسٹیج سے بولتے ہوئے کہا کہ 'بھارت ایک پھولوں کا گلدستہ ہے اور اس گلدستہ میں سبھی چمن کے پھول کھلے ہیں۔