قربانی کے جانوروں کی کھالوں کی قیمت میں ریکارڈ کمی سے مدارس کو نقصان

عیدالاضحیٰ کے موقع پر قربانی کے جانوروں کی کھالیں جمع کرکے فروخت کرنے سے مدارس کو اچھی آمدنی ہو جاتی تھی اور اس  رقم کو طالب علموں کے اخراجات پر خرچ کیا جاتا تھا۔ لیکن گذشتہ سال کی طرح اس سال بھی کورونا وبا کے سبب  جانوروں کی کھالوں کی قیمتوں میں غیر معمولی کمی آنے سے زیادہ تر مدارس قربانی کے جانور کی کھال کے ساتھ فی کھال کے حساب سے 100 اور 200 روپے کی رقم دے کر مدارس کی امداد کرنے کے لیے لوگوں سے اپیل کر رہے ہیں۔

عیدالاضحیٰ کے موقع پر لاکھوں کی تعداد میں جانور کی قربانی دی جاتی ہے۔ قربانی کے جانوروں کی کھالوں کو عام طور پر مدارس کو عطیہ کر دیا جاتا ہے۔ اسے فروخت کر کے مدارس انتظامیہ حاصل رقم کو طالب علموں کے اخراجات پر خرچ کیا جاتا ہے اور اس سے مدارس کی امداد بھی ہوجاتی ہے لیکن گزشتہ دو تین برسوں سے جانوروں کی کھال کی مناسب قیمت نہ ملنے سے مدارس کو نقصان اٹھانا پڑرہا ہے۔

اس متعلق مدرسہ منتظمین کا کہنا کہ جس طرح سے کورونا وبا کا کاروبار پر اثر دیکھا جا رہا ہے۔ اس کی وجہ سے لوگ قربانی بھی کم کر رہے ہیں اور ملک میں قربانی کے چرم کی واجب قیمت نہ ملنے سے اس کا نقصا بھی مدارس پر ہی پڑ رہا ہے۔ ان سب حالات کو دیکھتے ہوئے اب مدرسہ منتظمین عوام سے قربانی کی کھال کے ساتھ نقد رقم سے بھی مدارس کی مدد کر نے کی بات کہہ رہے ہیں۔

ملک میں چرم کی واجب قیمت نہ ملنے سے اب چرم کاروبار سے وابستہ کاروباری اب دوسرا پیشہ اختیار کررہے ہیں۔

ایسے میں مدارس تک چرم کی شکل میں پہنچے والی امداد پر برا اثر پڑا ہے۔ کسی بھی کاروبار کا دارومدار تیار مال کی مانگ اور سپلائی پر ہوتا ہے یہی وجہ ہے کہ اقتصادی حالات میں مانگ کی کمی کی وجہ سے کھال کی قیمتوں میں بھاری گراوٹ ہوئی ہے۔