MBA CHAI WALA FOUNDATION: چائے والا فاؤنڈیشن کی جانب سے بارہ بنکی میں آؤٹ لیٹ کا افتتاح

چائے ولا فاؤنڈیشن گزشتہ تین برسوں سے اس قسم کے آؤٹ لیٹ کئی ریاستوں میں کھول چکا ہے، اس وقت ملک بھر میں فاؤنڈیشن کے 104 آوٹ لیٹس ہیں جن میں دو دو خاتون ملازم ہیں، چائے والا فاؤنڈیشن کا مقصد یوپی میں اس قسم کی ایک ہزار آؤٹ لیٹس کو کھول کر تقریبآ 2 ہزار خواتین کو روزگار سے منسلک کرایا جائے۔MBA Chai Wala

ریاست اتر پردیش سمیت متعدد ریاستوں میں خواتین کو بااختیار اور خود کفیل بنانے کی مہم کو چائے والا فاؤنڈیشن کی جانب سے ضلع بارہ بنکی میں بھی شروع کیاگیا ہے، جمعہ کو نواب گنج تحصیل کے احاطے میں چائےوالا فاؤنڈیشن کی آوٹ لیٹ کا افتتاح ضلع مجسٹریٹ ڈاکٹر آدرش سنگھ کے ہاتھوں کیا گیا، اس اؤٹ لیٹ کا ذمہ سیلف ہیلپ گروپس کی دو خاتون کو دیا گیا ہے۔

MBA Chai Wala

واضح رہے کہ چائے ولا فاؤنڈیشن گزشتہ تین برسوں سے اس قسم کے آؤٹ لیٹ کئی ریاستوں میں کھول چکا ہے، اس وقت ملک بھر میں فاؤنڈیشن کے 104 آوٹ لیٹس ہیں جن میں دو دو خاتون ملازم ہیں، چائے والا فاؤنڈیشن کا مقصد یوپی میں اس قسم کی ایک ہزار آؤٹ لیٹس کو کھول کر تقریبآ 2 ہزار خواتین کو روزگار سے منسلک کرایا جائے۔

بارہ بنکی کی تحصیل نواب گنج میں آؤٹ لیٹس کے افتتاح کے بعد ضلع مجسٹریٹ نے کہا کہ وہ خواتین کو بااختیار اور خود کفیل بنانے کے مقصد سے مختلف کام کر رہے ہیں، اسی کی کڑی میں یہ ایک اور کوشش ہے، اس آوٹلیٹ کے متعدد فائدہ ہیں، ایک تو یہاں آنے والے اور ہمارے ملازمین کو کم قیمت میں اچھی چائے حاصل ہوگی ساتھ ہی خواتین بھی بااختیار ہوں گی۔