Muslims Distributed Juice and Water to Hindus in Noida: شوبھا یاترا میں ہندوؤں کو مسلمانوں نے جوس اور پانی تقسیم کیے

اترپردیش کے نوئیڈا سے ویڈیو سامنے آیا ہے۔ جس میں شوبھا یاترا کے دوران مسلم طبقہ کے لوگ ہندوؤں کو جوس اور کولڈ ڈرنک پلا رہے ہیں Shobha Yatra in Noida۔

نوئیڈا:ایک طرف جہاں پورے ملک میں جنونی ہندوؤں نے ماحول بگاڑ رکھا ہے وہیں اترپردیش کے نوئیڈا سے ایک دل کو سکون دینے والا ویڈیو منظر عام پر آیا ہے۔ شدید گرمی میں سینکڑوں ہندو ہنومان کا جلوس نکال رہے ہیں۔ اس دوران کچھ مسلم کمیونٹی کے لوگ جلوس نکالنے والوں میں کولڈ ڈرنکس، پانی اور جوس تقسیم کر رہے ہیں۔ پولیس فورس بھی موقع پر تعینات ہے۔ Muslims Distributed Juice and Water to Hindus in Noida

یہ ویڈیو نوئیڈا کے سیکٹر8 میں واقع بانس بلی مارکیٹ کا ہے۔ دراصل، آج پورے نوئیڈا اور گریٹر نوئیڈا میں شوبھا یاترا نکالی جا رہی تھی۔ ہندو یووا واہنی، بجرنگ دل سمیت کئی ہندو تنظیمیں شوبھا یاترا نکال رہی ہیں۔ اس دوران یہ جلوس نوئیڈا کے سیکٹر 8 میں واقع بانس بالی مارکیٹ پہنچا۔ وہاں مسلم کمیونٹی کے سینکڑوں لوگ اپنے خاندانوں کے ساتھ رہتے ہیں۔ جیسے ہی یہ جلوس بانس بالی مارکیٹ پہنچا۔ سینکڑوں لوگوں نے پہلے جلوس کا استقبال کیا اور پھر ہندوؤں میں کولڈ ڈرنکس، پانی اور جوس کی بوتلیں تقسیم کی گئیں۔

نوئیڈا میں ہر جگہ پولیس فورس تعینات تھی۔ کل رات سے ہی نوئیڈا پولس سرحد اور شہر کے کئی گنجان علاقوں میں گشت کر رہی تھی۔ نوئیڈا اور گریٹر نوئیڈا میں جہاں بھی شوبھا یاترا نکالی گئی، وہاں پولس فورس موجود تھی۔