ملک میں کورونا وبا کے کیسز میں اضافہ کے سبب اتحاد ملت کونسل پارٹی کے سربراہ مولانا توقیر رضا خان نے الیکشن کمشنر سے یوپی اسمبلی الیکشن Up Assembly Election 2022 کو ملتوی کرنے کا مطالبہ کیا ہے۔ اس کے لیے انہوں نے الیکشن کمیشن کو خط بھیجا ہے۔
خط میں مولانا توقیر رضا خان نے چیف الیکشن کمشنر کو بتایا ہے کہ ملک تقریباً دو سال سے کورونا کی وبا سے لڑ رہا ہے۔ ڈاکٹروں اور ماہرین کے مطابق فروری میں کورونا کی تیسری لہر اپنے عروج پر ہوگی۔ اس صورتحال میں انتخابی عمل کے ذریعے وباء انتہائی خطرناک حد تک جا سکتی ہے۔