میرٹھ: غیر قانونی اسلحہ فیکٹریز پر کارروائی

پنچایت انتخابات کی تاریخوں کے اعلان کے بعد میرٹھ پولیس اور ایس ٹی ایف پولیس کی بڑی کارروائی عمل میں آئی۔

ضلع میرٹھ کے مختلف تھانوں میں غیر قانونی طریقے سے تیار کیے جا رہے اسلحہ فیکٹریوں کے خلاف کارروائی کرتے ہوئے بڑی تعداد میں طمنچے کے ساتھ آٹھ افراد کو گرفتار کیا گیا ہے۔

مغربی اتر پردیش میں پنچائتی انتخابات میں نا خوشگوار واقعہ کو انجام دینے کی غرض سے میرٹھ میں مختلف جگہوں پر غیر قانونی طور پر اسلحہ بنانے کا کام کیا جا رہا تھا جن کے خلاف میرٹھ پولیس اور ایس ٹی ایف کی ٹیم نے کارروائی کرتے ہوئے بڑی تعداد میں طمنچہ اور ان کو بنانے والے اوزار برآمد کرنے کے ساتھ ہی قریب آٹھ ملزمین کو گرفتار کیا ہے ۔

جانکاری کے مطابق یہ اسلحہ پنچایت انتخابات کو مدنظر رکھتے ہوئے تیار کیے جا رہے تھے۔ میرٹھ پولیس ٹیم کو ملی اس بڑی کامیابی پر اعلی افسران نے دو لاکھ روپے کے انعام کا بھی اعلان کیا ہے۔

پنچایت انتخابات میں بدعنوانی پھیلانے کی غرض سے تیار کیے جا رہے اسلحہ فیکٹریوں کے خلاف پولیس کی اس کارروائی سے ایک بات تو صاف ہے۔ اب یوپی میں بدمعاشوں کے خلاف پولیس کوئی رعایت نہیں برتے گی۔