غیر قانونی اسلحہ فیکٹری کا پردہ فاش

اترپردیش کے ہردوئی ضلع میں پولیس نے ایک غیر قانونی اسلحہ فیکٹری کا پردہ فاش کرتے ہوئے کثیر مقدار میں اسلحہ برآمد کیا ہے۔

ہردوئی کی ہریاواں پولیس نے مخبر کی اطلاع پر ایک غیر قانونی اسلحہ فیکٹری کا پردہ فاش کیا ہے ، اور ساتھ ہی پولیس کی ٹیم نے رام شنکر شرما ضلع سیتاپورباشندہ کو گرفتار کیا ہے۔

تفتیش میں یہ پتا چلا ہے کہ یہ ملزم ہریانوی پولیس اسٹیشن کے گاؤں بدائی جور میں غیر قانونی اسلحہ کا کاروبار کرتا تھا وہیں اس نے غیرقانونی اسلحہ کی فیکٹری لگا رکھی تھی جہاں دبش دینے کے بعد پولیس کو بھاری تعداد میں غیر قانونی اسلحہ بر آمد ہوے ہے ۔

پولیس نے اس معاملے میں ایک شخص کو حراست میں لے کر پوچھ تاچھ کرنے کے بعد جیل بھیج دیا ہے ۔

واضح رہے کہ اے ایس پی تریگن بیسین نے بتایا کہ مخبر کی اطلاع پر یہ پوری کاروائی عمل میں لائی گئی ہے، پولیس حراست میں لیے گئے ملزم سے پوچھ تاچھ کر کے اور بھی جانکاری حاصل کر رہی ہے پولیس کے مطابق اس معاملے میں مبتلا سبھی ملزمین کے خلاف پولیس کاروائی کرے گی۔