ریاست اترپردیش کے ضلع سہارنپور کے دیوبند علاقہ کے بڑگاؤں تھانہ پولیس نے غیر قانونی طریقے سے اسلحہ بنانے کی فیکٹری پر چھاپہ ماری کرتے ہوئے ایک شخص کو گرفتار کیا ہے،جبکہ ایک دیگر شخص موقع سے فرار ہونے کیں کامیاب رہا،گرفتار شدہ شخص کے قبضے سے اسلحہ سازی میں استعمال ہونے والے اشیاء بر آمد کی گئی ہیں اور ملز م کے خلاف مقدمہ درج کرکے اسے جیل بھیج دیاگیا ہے۔ Police Raid Illegal Arms Factory in Saharanpur , arrest one
بتایا جارہا ہے کہ بڑگاؤں تھانہ پولیس نے مخبر کی اطلاع پر آج علاقہ کے بڑگاؤں انبہٹہ موہن میں واقع عیدگاہ کے قریب خالی پڑے اینٹ بھٹے کے قریب سے ملزم مستقیم ولد شوکت ساکن سانپلہ بقال تھانہ دیوبند کو غیر قانونی طور پر اسلحہ بنانے کی فیکٹر چلانے کے الزام میں گرفتار کیا ہے، جب کہ اس کا بیٹا نعیم موقع سے فرار ہو نے میں کامیاب رہا۔
پولیس کے مطابق پوچھ تاچھ کے دوران ملزم نے اپنا جرم قبول کیا اور کہا کہ وہ اور اس کا بیٹا غیر قانونی طریقے سے طمنچے بناکر فروخت کرتے ہیں۔ پولیس کے مطابق ملزم کے پاس سے بارہ بور کے آٹھ طمنچے، 315 بور کی چودہ نال، بارہ بور کی دس عدد نال کے علاوہ بڑی مقدار میں اسپرنگ، ٹیگر، ہیمر اور طمنچہ بنانے کے آلات برآمد کیے گئے ہیں۔ ملزم کے خلاف تھانہ بڑگاو ں میں مقدمہ درج کرکے جیل بھیج دیا۔