آئی آئی ٹی کانپور کا ماسک بنانے کے لیے پلانٹ

کووڈ 19 کے خلاف کانپور آئی آئی ٹی نے اب ایک قدم اور آگے بڑھایا ہے۔ اب آئی آئی ٹی کانپور خود این 95 ماسک بنائے گی۔ اس کے لیے آئی آئی ٹی کانپور نے ایک پلانٹ لگایا ہے جس سے روزانہ 25 ہزار ماسک بنائے جا سکیں گے۔

کووڈ 19 اور دیگر جراثیم سے بچنے کے لیے آئی آئی ٹی کانپور نے کچھ وقت پہلے این 95 ماسک کی ایجاد کی تھی جو بازار میں جراثیم کو روکنے کے لیے سب سے کارگر مانا جاتا ہے لیکن بازار کی کالابازاری کی وجہ سے اس کی کوالٹی میں کئی طریقے کے سمجھوتے کر دیے گئے۔

جس سے ماسک کا معیار کمزور ہو گیا۔ معیار کمزور ہونے کی وجہ سے ماسک بنانے کا مقصد فوت ہونے لگا تھا۔

اسی لیے آئی آئی ٹی کانپور نے اب خود اپنے یہاں ایک پلانٹ لگایا ہے جس میں تقریباً 25 ہزار ماسک ہر روز تیار کیے جائیں گے۔ اس ماسک کی خصوصیت یہ ہوگی کہ اس میں لگایا گیا سارا مٹیریل کوالٹی کے اعتبار سے اعلیٰ سطح کا ہوگا جو پورے طریقے سے بیکٹریا سے محفوظ رکھنے میں کارگر ثابت ہوگا۔

آئی آئی ٹی کانپور اپنے ایکسپرٹ کی نگرانی میں یہ ماسک بنوائے گا۔ اب یہ ماسک بازار میں پہلے سے کم قیمت پر سواسا کے نام سے مہیا ہوگا۔

آئی آئی ٹی کانپور کا ایجاد کر ده این۔ 95 ماسک سب سے کارگر مانا جاتا ہے جو بیکٹریا سے کافی حد تک محفوظ رکھتا ہے۔

اس لیے اس کی ڈپلیکیسی مارکٹ میں زبردست پیمانے پر ہو رہی تھی، اس کالابازاری کو روکنے کے لیے اور کوالٹی کو بہتر طریقے سے عوام تک پہنچانے کے لیے آئی آئی ٹی کانپور نے یہ پلانٹ لگایا ہے۔