بھارت میں شہریت ترمیمی قانون کے خلاف جاری احتجاج کے دوران آئی آئی ٹی کانپور اُس وقت سرخیوں میں آیا جب 17 دسمبر کو طلباء نے شہریت ترمیمی قانون کے خلاف ایک احتجاج کیا جس میں فیض احمد فیص کی ایک مقبول نظم 'ہم دیکھے گے' اجتماعی طور پر پڑھی گئی جس کے بعد تنازعہ شروع ہوا۔
نظم کے کچھ الفاظ کی غلظ تشہیر کر کے اس نظم کو ہندو مخالف قرار دیا گیا اور متعدد دائیں بازوں کے رہنماؤں و کارکنوں نے اس کی خوب غلط تشہیر کی۔
آئی آئی ٹی کانپور کے ایک ڈاکٹر واسی شرما نے اس کا ویڈیو بنا لیا تھا اور اس ویڈیو کو ہندو مخالف بتایا۔ احتجاج میں پڑھی جارہی نظم کا پاکستان کنکشن بھی جوڑ دیا گیا۔
انہوں نے اس ویڈیو کے ساتھ ایک شکایتی تحریر بھی آئی آئی ٹی کانپور ایڈمنسٹریشن کو سُپرد کی۔ بعدازاں آئی آئی ٹی کانپور ایڈمنسٹریشن نے ڈپٹی ڈائریکٹر کی قیادت میں جانچ کمیٹی تشکیل دی۔ تاہم ائی ائی ٹی کانپور کی انتظامیہ نے کہا ہے کہ وہ فیص احمد فیص کی نظم کی تحقیقات نہیں کریں گے بلکہ طلباء کے احتجاج کی تحقیقات کرے گے۔
واضح رہے کانپور آئی آئی ٹی میں تقریبا سات ہزار طلبا زیر تعلیم ہیں۔
