مفتی ہارون رشید نقشبندی نے ای ٹی وی بھارت سے بات کرتے ہوئے کہا کہ موجودہ دور میں کورونا وائرس کی وجہ سے آن لائن خریداری ہو رہی ہے ان حالات میں قربانی کے جانوروں کے لئے جو شرائط ہیں ان پر خصوصی توجہ دینا چاہیے۔
اگرآپ قربانی کا جانورخرید رہے مندرجہ ذیل باتوں کاخیال رکھیں جانور میں کوئی بھی عیب نہیں ہونا چاہیے اس شرط پر مکمل طریقے سے تبھی عمل ہوسکتا ہے جب جانور موجود ہو آن لائن خریداری پر آپ جانور کا جائزہ اچھے سے نہیں لے سکتے ہیں۔ انہوں نے کہا کہ جانور کا فوٹو آن لائن دیکھ کر اس کے تمام عیب سے باخبر ہونا ممکن نہیں ہے۔
بعض اوقات فوٹو میں کچھ اور رہتا ہے جبکہ کی حقیقت میں کچھ اور ہوتا ہے ایسے میں جانور کو سامنے سے دیکھ کر ہی خریداری کریں۔انہوں نے مزید کہا کہ موجودہ دور میں بکروں کے بازار میں زیادہ تر لوگ زندہ بکروں کو تول کر خریداری کرتے ہیں جب کہ یہ طریقہ ناجائز ہے انہوں نے کہا کہ یہ طریقہ اس لیے ناجائز ہے کیونکہ اس میں دھوکہ کا معاملہ ہو سکتا ہے ۔
مزید پڑھیں:بنارس: امام علی رضا کے یوم پیدائش پر شعری نشست و محفل کا اہتمام
بعض اوقات بیچنے والے بکرے کو وقتی طور پر کچھ کھلا پلا دیتے ہیں یا کوئی ایسی وزنی چیز رکھ دیتے ہیں یا اس کے سانس آنے جانے سے تول میں کمی بیشی کا امکان ہے لہذا شریعت نے ایسی خرید و فروخت کو ناجائز قرار دیا ہے۔
