شوہر نے سرعام بیوی کو قتل کر دیا

اترپردیش کے شہر میرٹھ میں کے مچھیرا بستی میں ایک شخص نے اپنی بیوی کو سر راہ چاقو سے وار کر کے بے رحمانہ طریقے سے قتل کر دیا اور عوام بچانے کے بجائے تماشہ بین کی طرح دیکھتی رہی۔

میرٹھ کے تھانہ صدر بازار کے مچھیران علاقے کے مہتاب سنیما کے سامنے وسیم نامی شخص نے کو ناجائز تعلقات کے شبہ میں اپنی بیوی ناہیدہ کو متعدد بار چاقو سے وار کر قتل کر دیا۔

پولیس نے ملزم وسیم کو گرفتار کر لیا ہے، پولیس اہلکار وجے گپتا نے بتایا کہ ملزم نے اعتراف جرم کیا ہے۔ پولیس کے مطابق بیوی پر ناجائز تعلقات کا شک تھا، جس کی وجہ سے دونوں میں تنازع ہوا۔

پولیس کے مطابق وسیم کی ناہیدہ کے ساتھ عشقیہ شادی 'لو میرج' ہوئی تھی۔