دہلی تشدد میں ہلاک آفتاب کے جنازے میں سینکڑوں افراد کی شرکت

بجنور کا رہنے والا آفتاب ابھی حال ہی میں کام کی تلاش میں دہلی گیا تھا لیکن وہ شر پسندوں کے ہاتھوں نہیں بچ سکا، گزشتہ روز اس کی لاش اس کے شہر بجنور پہنچی جہاں سینکڑوں افراد نے جلوس جنازہ میں شرکت کی۔

اترپردیش کے بجنور ضلع کے تھانہ نورپور کے شہید نگر علاقے کا رہنے والا 20 سالہ طالب علم آفتاب اپنے گھر کی مالی حالت کو دیکھتے ہوئے کام کی تلاش میں دہلی گیا تھا کہ دو شر پسندوں کا شکار بنا اور اس کی لاش گھر واپس آئی۔

تفصیلات کے مطابق دلی کے شیو پوری علاقے میں آفتاب شر پسندوں کے بیچ پھنس گیا تھا اور انہوں نے اسے ہلاک کر دیا تھا۔

گزشتہ روز دوپہر کو آفتاب کی لاش اس کے گھر لائی گئی، اور اس کے جلوس جنازہ میں سینکڑوں لوگوں نے شرکت کی۔

واضح رہے کہ چند روز قبل قومی دارالحکومت دہلی کے متعدد علاقوں میں فرقہ وارانہ فساد ہوا تھا اور اس میں تقریباً 50 افراد کی موت ہوئی ہے جبکہ سینکڑوں افراد زخمی ہوئے ہیں۔