میرٹھ: پٹاخے کا بڑا ذخیرہ برآمد

میرٹھ میں غیر قانونی طریقے سے رکھے گئے پٹاخے کے ایک بڑے ذخیرے کو پولیس نے برآمد کیا ہے۔ پولیس کے مطابق یہ پٹاخہ لاکھوں روپے کی مالیت کا ہے اور اس معاملے میں دو لوگوں کو گرفتار بھی کیا گیا ہے۔

سپریم کورٹ کی ہدایات اور این جی ٹی کی پابندی کے باوجود دیوالی پر غیر قانونی طریقے سے پٹاخے کا کاروبار جاری ہے۔ اسی درمیان دیوالی سے پہلے پولیس انتظامیہ کی جانب سے پٹاخے کی غیر قانونی خرید فروخت کے خلاف مہم چلائی جا رہی ہے۔

اسی سلسلے میں میرٹھ پولیس نے بھی غیر قانونی طریقے سے اسٹاک کیے گئے آتش بازی کے سامان اور پٹاخوں کا بڑا ذخیرہ برآمد کیا ہے۔ تھانہ دہلی گیٹ علاقے کے ایک گودام پر چھاپہ مارتے ہوئے پولیس ٹیم نے 25 سے 30 لاکھ روپے کی قیمت کے پٹاخے برآمد کیے۔

دیوالی سے پہلے غیر قانونی طریقے سے اسٹاک کیے گئے پٹاخوں کا بڑا ذخیرہ برآمد ہونے سے جہاں اس کے کاروباریوں میں دہشت ہے، وہیں دیوالی کےتہوار کو بھی پر سکون طریقے سے منایا جا سکے گا۔