Rains in Muzaffarnagar: مظفر نگر: مسلسل بارش سے غریب کا آشیانہ زمین دوز

مکان مالک ریاض الدین نے انتظامیہ سے مدد کا مطالبہ کیا ہے، وہ رکشہ چلاتا ہے اور اس حالت میں اپنے مکان کو ٹھیک نہیں کرا سکتا ہے۔

ریاست اترپردیش کے ضلع مظفر نگر کے تھانہ کوتوالی علاقے کے نیازو پورہ گاؤں میں اتوار کی رات ایک غریب کا مکان مسلسل ہو رہی بارش کی وجہ سے بھربھرا کر گیا۔ راحت کی بات یہ رہی کہ جب مکان زمین دوز ہوا تو اس میں کسی طرح کا کوئی جانی نقصان نہیں ہوا۔

مکان مالک ریاض الدین رکشہ چلا کر اپنے کنبے کو پالتا ہے۔ اس کا کہنا ہے کہ ہم بہت غریب ہیں انتظامیہ کی جانب سے ہماری مدد کی جائے اور ہمارے آشیانے کو ٹھیک کیا جائے، جس سے ہمیں رات کھلے آسمان کے نیچے نہیں گزارنی پڑے۔