مرادآباد میں اچانک کار میں آگ لگ گئی

آج مرادآباد کے کانٹھ روڈ پر اُس وقت افراتفری مچ گئی جب پی اے سی چوراہے کے نزدیک ایک سینٹرو کار اچانک آگ کے شعلوں میں بدل گئی جس کی وجہ سے ٹریفک کا نظام درہم برہم ہوگیا۔

تھانہ سیویل لائن علاقہ کے کانٹھ روڈ پر آج ایک سینٹرو کار میں اچانک آگ لگ گئی جبکہ مصروف ترین سڑک پر ٹرافیک جام ہوگیا۔

عینی شاہدین کے مطابق کار کے انجن سے اچانک آگ لگی اور دیکھتے ہی دیکھتے پوری کار کو اپنی لپیٹ میں لے لیا۔

آتشزدگی کے اس حادثہ میں کوئی جانی نقصان نہیں ہوا ہے اور فائربریگیڈ کے عملہ نے آگ پر قابو پالیا لیکن کار جل کر خاکستر ہوگئی۔