امروہہ: انوکھے انداز میں منائی گئی ہولی

ضلع امروہہ میں ایک سماجی تنظیم نے چہرے پر ماسک لگاکر ہولی کھیلی۔

ریاست اتر پردیش کے ضلع امروہہ میں ایک سماجی تنظیم کے عہدیداروں نے ہولی میں خوب رنگ اڑائے۔ ہولی ملن کی اس تقریب میں تنظیم سے وابستہ افراد نے انتہائی انوکھے انداز میں ہولی کھیلی۔

ہولی ملن کی تقریب میں سبھی نے چہرے پر ماسک پہن کر ہولی کھیلی اور ایک دوسرے کو گلے لگا کر رنگ لگایا۔

تنظیم کے صدر یوگیش چند اگروال نے بتایا کہ 'ملک بھر میں پھیلنے والی خطرناک وبا کورونا وائرس سے بچاؤ کے لیے اس طرح کی ہولی منائی گئی۔

اس موقع پر تنظیم کے عہدیداروں نے ہولی کے ساتھ ہی کورونا وائرس سے بچاؤ کا پیغام بھی دیا۔