علی گڑھ مسلم یونیورسٹی Aligarh Muslim University ملک کا واحد تعلیمی ادارہ ہے، جس میں سب سے زیادہ تاریخی عمارتیں Historic Buildings موجود ہیں۔ یہاں 1801 کی تعمیر شدہ 'پیرو ہاؤس' بھی موجود ہے۔ بانی درس گاہ سر سید احمد خان کے دور کی تعمیرات پر تاریخ کو پتھروں پر نصب اس لیے کروایا گیا تھا تاکہ نئی نسل تعمیرات کی تاریخ اور اہمیت کو جانے اور قیامت تک تاریخ محفوظ ہو سکے۔
علی گڑھ مسلم یونیورسٹی میں موجود اہمیت کی حامل اور قدیم تعمیرات کچھ ایسی بھی ہیں جو بدحالی کا شکار ہیں جس پر نصب تاریخ کو یا تو رنگ سے ڈھک دیا گیا یا بدحالی کے سبب تاریخ غائب ہوتی جا رہی ہے، جس میں سرسید ہاؤس میں موجود پانی کے کویں WELL، محمڈن اینگلو اورینٹل کالج کی تاریخی بونڈری، بیگم پور گیٹ، روشن تاریخ کی وراثت طلبہ یونین ہال کے سامنے موجود پانی کا فوارہ شامل ہے۔ تقریباً 157 سال قدیم پانی کے فوارے کی بدحالی کو دیکھ کر ایسا لگتا ہے کہ موجودہ یونیورسٹی انتظامیہ کو اس کی تاریخ معلوم ہی نہیں یا بھول گیا۔ فوارہ پر نصب تاریخ کو بھی رنگ سے ڈھک دیا گیا ہے۔
اے ایم یو اردو اکیڈمی کے سابق ڈائریکٹر ڈاکٹر راحت ابرار نے خصوصی گفتگو میں بتایا اس قدیم اور اہمیت کے حامل فوارہ سے متعلق الگ الگ لوگوں نے لکھا ہے۔ مولوی افتخار عالم مہالیلوی لکھتے ہوئے ثابت کرتے ہیں کہ سرسید احمد خان نے جو 1863 میں 'سائنٹیفک سوسائٹی' قائم کی جو بعد میں دواخانہ طبیہ کالج بنی وہاں پر ایک بہت عالی شان عمارت بنی تھی۔
اس عمارت کے بالکل سامنے ایک بے حد خوبصورت پانی کا فوارہ تھا جس کو اس وقت کے کلیکٹر لین نے اپنی بیٹی کے انتقال کے بعد اس کی یاد میں بنوایا تھا، جس کو سائنٹیفک سوسائٹی کے لیے سرسید احمد خان کو عطیہ کیا گیا تھا۔ اس عطیہ کو سرسید احمد خان نے قبول کیا اور خود اس کو وہاں لگوایا تھا۔