Hindu Young Man Adopted Islam مسلم لڑکی سے شادی کے لئے مذہب تبدیل

ریاست اترپردیش کے ضلع کانپور میں ہندو لڑکے کے تبدیلی مذہب کا معاملہ سامنے آیا ہے۔ A Hindu youth adopted Islam for marriage to his Muslim girlfriend in Kanpur

کانپور: کانپور ضلع کے چوبے پور علاقے کے ایک دیہات کے رہنے والے ایک ہندو نوجوان کا گاؤں کی ایک مسلم لڑکی کے ساتھ عشق چل رہا تھا۔ چار مہینے پہلے دونوں گھر سے فرار ہو گئے تھے۔ چار روز پہلے ہندو لڑکے نے اپنی گرل فرینڈ کے کہنے پر نے اسلام قبول کیا۔ اسلام قبول کرنے کے بعد اس ہندو نوجوان نے اپنی گرل فرینڈ سے شادی کر لی۔ دونوں کی شادی کی ویڈیو سوشل میڈیا پر وائرل ہو رہی ہے۔ ای ٹی وی بھارت اس وائرل ویڈیو کی تصدیق نہیں کرتا ہے۔

چوبے پور تھانہ انچارج سنجے پانڈے نے کہا کہ تھانہ علاقہ کے نتھو پور گاؤں کے رہنے والے اوم پرکاش کے بیٹے انکت کا اپنے گاؤں کی ایک مسلم لڑکی سے عشق چل رہا تھا۔ تقریباً چار ماہ پہلے دونوں گاؤں سے فرار ہوگئے تھے۔ گاؤں والوں نے بتایا کہ گاؤں میں ان دونوں کی کورٹ میرج کی بات چل رہی تھی۔ چار دن پہلے اپنی مسلم گرل فرینڈ کے مسلسل اصرار پر نوجوان نے ہندو مذہب چھوڑ کر اسلام قبول کر لیا۔

مذہب کی تبدیلی کے بعد اس ہندو نوجوان نے اپنی گرل فرینڈ سے شادی کرلی۔ ان کی شادی کی ایک ویڈیو سوشل میڈیا پر وائرل ہو رہی ہے۔ ویڈیو منظر عام پر آنے کے بعد تھانے کی پولیس حرکت میں آئی اور پولیس بھی گاؤں پہنچ گئی۔ پولیس کو ہندو نوجوان اور مسلم لڑکی گاؤں میں نہیں ملے۔ دونوں کے گھر والوں کا کہنا تھا کہ ان کا اب ان دونوں سے کوئی رشتہ نہیں ہے۔ پولیس نوجوان اور خاتون کے بارے میں معلومات اکٹھی کر رہی ہے۔ جب اس گاؤں میں ان کی شادی کی ویڈیو وائرل ہوئی تو لوگ ان کے بارے میں طرح طرح کی باتیں کر رہے ہیں۔