سہارنپور میں تہواروں کے پیش نظر ہائی الرٹ

ضلع سہارنپور میں پولیس کے ذریعے فلیگ مارچ نکالا جا رہا ہے تو وہیں جنم اشٹمی تہوار اور 15 اگست کے پیش نظر ضلع میں ہائی الرٹ جاری کر دیا گیا ہے۔

ریاست اترپردیش کے ضلع سہارنپور میں تہواروں کے مدنظر پولیس فلیگ مارچ نکال کر چیکنگ مہم شروع کر دی ہے تو وہیں جنم اشٹمی تہوار اور 15 اگست کے پیش نظر ضلع میں الرٹ جاری کردیا گیا ہے۔

اس سلسلے میں سہارنپور کے اسی پی ڈاکٹر ایس چینپا کی قیادت میں پولیس فورس نے ریلوے اسٹیشن، بس اسٹینڈ، نہروں و مارکیٹ وغیرہ میں فلیگ مارچ نکالتے ہوئے چیکنگ مہم شروع کر دی ہے۔

اس دوران پولیس نے ہوٹل، بار،اور مشتبہ افراد کی بھی چیکنگ کی گئی، واضح ہو کہ کورونا وائرس کی وجہ سے اس مرتبہ سبھی تہوار حکومت کی جانب سے جاری کی گئی گائڈ لائن کے مطابق منائے جارہے ہیں۔

وہیں آج جنم اشٹمی کا تہوار منایا جا رہا ہے جس کے پیش نظر پولیس انتظامیہ پوری طرح مستعد نظر آرہی ہے۔

پورے ضلع میں دفعہ 144 کا نفاذ کردیا گیا ہے اور لوگوں کو ایک جگہ جمع نہیں ہونے دیا جا رہا ہے۔

ضلع کے سبھی تھانہ انچارج کو احکامات جاری کیے گئے ہیں کہ اگر کوئی بھی مشتبہ شخص نظر آتا ہے اسے فوراً حراست میں لیکر تحقیق کی جائے اور تہوار کو پرامن طریقے پر اختتام پذیر کرایا جا سکے۔

اس سلسلے میں ایس ایس پی سہارنپور ڈاکٹر ایس چینپا نے بتایا کہ تہواروں کے مدنظر روزانہ سہارنپور ضلع میں فلیگ مارچ نکالا جارہا ہے اور آج خاص طور پر اینٹی سیل،ڈاگ اسکوئڈ ٹیم کے ساتھ چیکنگ کی جارہی ہے، مشتبہ افراد اور گاڑیوں پر نظر رکھی جارہی ہے۔

وہیں تہواروں کے مدنظر سہارن پور پولیس پوری طرح سے مستعد ہے۔