بارہ بنکی: طبی ملازمین کو لگایا گیا ٹیکہ

اتر پردیش کے تمام اضلاع کے ساتھ ساتھ بارہ بنکی میں بھی وزیراعظم نریندر مودی کے خطاب کے بعد کورونا کی ٹیکہ کاری جاری ہے۔

تین مرحلوں میں ہونے والی اس ٹیکہ کاری مہم کے پہلے مرحلے میں فرنٹ لائن پر کام کرنے والے طبی ملازمین کی ٹیکہ کاری ہونی ہے۔

کووڈ-19 کی ٹیکہ کاری کے پہلے دن طبی ملازمین میں خاصہ جوش نظر آیا اور وہ تمام خدشات اور افواہوں کو درکنار کرتے ہوئے ٹیکے لگوا رہے ہیں۔

واضح ہو کہ ضلع میں کووڈ-19 کی ٹیکہ کاری کے لئے کل 4 مراکز تشکیل کئے گئے ہیں۔

چاروں مراکز پر وزیراعظم کے خطاب کے بعد ٹیکہ کاری کا آغاز کیا گیا۔ بارہ بنکی کے رفیع احمد قدوائی میموریل ضلع ہسپتال میں ڈاکٹر مدت ملہوترا کو سب سے پہلیڈوز دی گئی۔

ٹیکہ کاری سے قبل ان کا شناختی کارڈ دیکھا گیا۔ پھر ہاتھ سینیٹائز کرانے کے بعد درج حرارت چیک کی گئی۔

تمام کارروائی مکمل ہونے کے بعد انہیں ٹیکہ کاری کے کمرے میں بھیجا گیا۔

ٹیکہ لگانے کے بعد انہیں آدھا گھنٹہ آبزرویشن میں رکھنے کے باہر نکالا گیا۔

ٹیکہ لگوانے والوں کو کسی بھی قسم کی کوئی پریشانی نہ ہو اس کے لئےتمام مراکز کے ضلع کے افسران مسلسل نگرانی کر رہے ہیں۔