اترپردیش کے دارلحکومت لکھنؤ کے چھوٹے امام باڑہ میں حضرت فاطمۃ الزہرہ رضی اللہ عنہا کی یاد میں مجلس کا انعقاد کیا گیا، ساتھ ہی ان کی زندگی سے خواتین کو واقف کرانے کے لئے نمائش بھی لگائی گئی۔
سید محمد عابدی نے ای ٹی وی بھارت سے بات کرتے ہوئے کہا کہ حضرت فاطمۃ الزہرہ رضی اللہ عنہا کی زندگی کے سلسلے میں ایک نمائش لگائی گئی ہے، جس کو 'مصور زندگی نامہ' نام دیا گیا ہے۔
ہماری کوشش یہ کہ سماج کی تمام خواتین، بچیاں اس دنیاوی زندگی میں اس قدر الجھ گئیں ہیں کہ انہیں یہ سمجھ نہیں آتا کہ ہمیں کسے آئیڈیل بنانا چاہیے؟ اسی وجہ سے انہیں زندگی کا صحیح لطف نہیں مل رہا۔
سید محمد عابدی نے مزید بتایا کہ اللہ نے جب انسانوں کی تخلیق کی تو ان کے لئے آئیڈیل کے طور پر انبیاء کرام، اولیاء کرام کو بھیجا، لیکن خواتین کے لئے رسول خدا صلی اللہ علیہ وسلم نے ہر مقام پر حضرت فاطمہ الزہرہ رضی اللہ عنہا کو بطور نمونہ پیش کیا۔
دانش خان نے حضرت فاطمۃ الزہرہ رضی اللہ عنہا کی یاد میں کلام پیش کیا۔ اس کے علاوہ مولانا کلب جواد نے عوام کو خطاب کرتے ہوئے حضرت علی کرم اللہ علیہ، حضرت فاطمتہ الزہرہ رضی اللہ عنہا، حضرت حسن حسین علیہ السلام کی زندگی سے روبرو کرایا۔