لکھنؤ: وزیر اعظم رہائش اسکیم (شہری) کے تحت 75 ہزار مستفیدین کو وزیر اعظم نریندر مودی کے ذریعہ چابھی دئیے جانے پر تنقید کرتے ہوئے بی ایس پی سپریمو مایاوتی نے منگل کو کہا کہ انتخابی فائدے کے لئے غریبوں کو آواس دستیابی کا کام جلدبازی میں نامکمل نہیں ہونا چاہئے۔
مایاوتی نے اپنے ٹوئٹ میں لکھا کہ 'بی ایس پی کے نقش قدم پر چل کر بی جے پی کے ذریعہ یو پی میں غریبیوں کے لئے رہائش گاہوں کی فراہمی کا کام انتخابی مفاد کی تکمیل کے لئے جلد بازی میں نامکمل نہیں ہونا چاہئے بلکہ پروجیکٹ کو پورا ہونے پر ان کا صحیح طریقے سے افتتاح و تقسیم ہو تو بہتر ہے تاکہ اس کا صحیح فائدہ لوگوں کو مل سکے۔
انہوں نے کہا کہ'ویسے انتخابات کے نزدیک آنے پر یہاں زیادہ تر پروجکٹوں کا سنگ بنیاد و نامکمل اسکیموں کا افتتاح وغیرہ کرنے کا جو غلط رواج قائم ہے اس سے ان کے پورا نہ ہونے پر مفادعامہ و عوامی فلاح دونوں بری طرح سے متاثر ہوتا ہے۔ جب کہ ترقی کا عمل غیر منقطع جاری رہنا چاہیے۔