انتظامیہ کی معزز شخصیات کے ساتھ میٹنگ

اترپردیش کے ضلع ہردوئی میں ضلع مجسٹریٹ اور ایس پی نے ضلع کی معزز شخصیت کے ساتھ اہم میٹنگ کرتے ہوئے ان سے مدد کی اپیل کی ہے۔

پولیس لائن کے احاطے میں منعقدہ اس میٹنگ میں بین مذاہب رہنما شامل ہوئے اور ڈی ایم پلکیت کھرے اور ایس پی امیت کمار نے اس ایمرجنسی کے دور میں کورونا وائرس سے لڑنے کے لیے ان لوگوں سے مدد کی اپیل کی۔

انتظامیہ نے بتایا کہ وہ تمام مذہبی رہنماؤں کے ذریعے عوام تک ان کی اپیل پہنچانے کی کوشش کررہے ہیں کہ جب تک حالات بہتر نہیں ہوتے تب تک وہ اپنے گھروں میں رہیں اور اگر کوئی بڑی ضرورت پیش آئے تو کنٹرول روم سے رابطہ کیا جائے۔