Gyanvapi Masjid Case گیان واپی معاملے میں آج سماعت، اے ایس آئی نے سروے رپورٹ کیلئے آٹھ ہفتوں کی مہلت مانگی

گیان واپی معاملے میں آج مختف درخواستوں پر سماعت ہونی ہے۔ سب سے پہلے وارانسی کے خصوصی ڈسٹرکٹ جج ڈاکٹر اجے کرشنا کی عدالت میں اے ایس آئی کے سروے کی مدت میں توسیع کے بارے میں ہوگی۔ Hearing on Gyanvapi Case Todya

وارانسی: گیانواپی مسجد معاملے میں آج مختلف درخواستوں پر سماعت ہوگی۔ مسجد کے پورے احاطے کا سروے کر رہی اے ایس آئی نے عرضی دے کر سروے کی مدت میں توسیع کی درخواست کی ہے۔ اے ایس آئی کی عرضی پر آج وارانسی کے خصوصی ڈسٹرکٹ جج ڈاکٹر اجے کرشنا کی عدالت میں سماعت ہوگی۔ یہ درخواست اے ایس آئی ٹیم نے دو ستمبر کو عدالت میں داخل کی تھی اور آٹھ ہفتوں کا وقت مانگا گیا تھا۔ اب دیکھنا ہوگا کہ عدالت اس کیس میں تاریخ میں توسیع کرتی ہے یا نہیں۔ اسی کے ساتھ ایک مدعی راکھی سنگھ کی جانب سے کمیشن کاروائی کے دوران جولائی 2022 میں وضو خانے میں ملے ڈھانچے جانچ بھی اے ایس آئی سروے ٹیم سے کرانے کا مطالبہ کیا ہے۔ اس کے علاوہ عدالت اکھلیش یادو اور اسد الدین اویسی کے خلاف دائر کی گئی درخواست پر بھی سماعت کرے گی۔

21 جولائی کے حکم کے بعد، 4 اگست کو اے ایس آئی سروے شروع ہوئے ایک ماہ سے زیادہ کا عرصہ گزر چکا ہے۔ سروے ابھی جاری ہے لیکن سروے کی آخری تاریخ 2 ستمبر کو ہی ختم ہوئی ہے۔ عدالت کے حکم کے مطابق سروے 4 ہفتوں میں مکمل کر کے رپورٹ جمع کرائی جانی تھی لیکن سروے مکمل نہ ہونے کی وجہ سے اے ایس آئی ٹیم نے 2 ستمبر کو عدالت میں درخواست دے کر 8 ہفتوں کا اضافی وقت مانگا ہے۔ اس سلسلے میں آج ڈسٹرکٹ جج کی عدالت میں سماعت ہوگی اور اس بات کا فیصلہ کیا جائے گا کہ تاریخ میں توسیع کی جائے گی یا نہیں۔

مدعی کا الزام ہے کہ گیانواپی کمپلیکس میں پائے جانے والے مبینہ ڈھانچے کو جس کے بارے میں ہندو فریق شیولنگ ہونے کا دعویٰ ہے، کے بارے میں اکھلیش یادو اور اویسی بار بار بات کرکے لوگوں کے جذبات کو ٹھیس پہنچا رہے ہیں۔ اس کے علاوہ انجمن انتظامیہ مسجد کمیٹی کے تقریباً 2000 افراد اور اس سے وابستہ تمام عہدیداروں کے خلاف کاروائی کا مطالبہ کیا گیا ہے۔ آج عدالت اس معاملے میں اہم فیصلہ سنا سکتا ہے۔