معیشت کی بہتری پر حکومت کی توجہ نہیں: پرینکا

کانگریس جنرل سکریٹری پرینکا گاندھی واڈرا نے ملکی معیشت میں گراوٹ کے لئے بی جے پی کی پالیسیوں پر حملہ کرتے ہوئے بدھ کو کہا کہ اس میں بہتری اولین ترجیح ہونی چاہئے تھی، لیکن مرکزی حکومت نے اس معاملے کو ٹھنڈے بستے میں ڈال دیا ہے۔

پرینکا واڈرا کا آج بدھ کو اعظم گڑھ کے بلریا گنج جاتے وقت کانگریس کے کیمپ دفتر جوگیا پور کے نزدیک پارٹی کارکنوں نے زبردست استقبال کیا۔

اس دوران صحافیوں سے اپنے مختصر بات چیت میں کہا کہ معیشت پر بی جے پی حکومت کو سب سے زیادہ دھیان دینا چاہئے تھا لیکن اب معیشت میں بہتری کا معاملہ ٹھنڈے بستے میں بند کردیا گیا ہے۔ جی ڈی پی کے اندازے بتاتے ہیں کہ حالات ٹھیک نہیں ہیں۔

معیشت کی بہتری پر حکومت کی توجہ نہیں: پرینکا

انہوں نے کہا کہ جی ڈی پی میں لگاتار گراوٹ آرہی ہے اور اس بار بھی گراوٹ کا ہی اندازہ ہے۔انہوں نے کہا کہ اس کا سب سے زیادہ اثر تجارت،غریبوں،دہاڑی پر کام کرنے والے مزدوروں اور روزگار پر پڑرہا ہے۔حکومت کی طرف سے کوئی بھی تسلی بخش اقدام نہیں کیا جارہا ہے۔