مظفر نگر: معشوقہ نے پرانے عاشق کا قتل کردیا

پولیس سے موصولہ معلومات کے مطابق جب سونو 9 ستمبر کو اپنی گرل فرینڈ سے ملنے پہنچا تو وہاں پہلے سے ہی ایک اور نوجوان اور اس کی گرل فرینڈ موجود تھے، جس پر سونو اور اس کی گرل فرینڈ کے درمیان بحث اور مارپیٹ ہوئی، گرل فرینڈ نے اپنے نئے عاشق کے ساتھ ملکر سونو کو راستے سے ہٹانے کی ایک خوفناک سازش کی۔

ریاست اترپردیش کے ضلع مظفر نگر میں پولیس نے ایک لاپتہ نوجوان کے قتل کا سنسنی خیز انکشاف کیا ہے۔ پولیس کے مطابق ایک لڑکی نے اپنے نئے عاشق کے ساتھ مل کر پرانے عاشق کا قتل کردیا۔

دراصل معاملہ مظفر نگر کے تھانہ بڈھانا کے گاؤں پاراسولی کا ہے، جہاں 9 ستمبر سے گاؤں کے ایک نوجوان سونو کشیپ کی گمشدگی کی شکایت نوجوان کے اہل خانہ نے تھانے میں درج کروائی تھی۔

مظفر نگر: معشوقہ نے پرانے عاشق کا قتل کیا

پولیس معاملے کی تحقیقات کررہی تھی۔ بدھ کی شام پولیس کو نگرانی ٹیم کے ذریعے لاپتہ نوجوان کے موبائل کال کی تفصیلات سے معلومات ملی کہ سونو گاؤں کی ہی ایک لڑکی سے محبت کرتا تھا۔

نو ستمبر کو نوجوان سونو اپنی گرل فرینڈ سے ملنے کے لیے گھر سے نکلا تھا لیکن واپس نہیں آیا۔ جب پولیس نے سونو کی گرل فرینڈ سمیت ایک نوجوان نیرج کو حراست میں لیا اور پوچھ گچھ کی تو یہ بات سامنے آئی کہ سونو کی گرل فرینڈ اور اس کے دوسرے عاشق نے سونو کا قتل کردیا ہے اور لاش کو گنگا نہر میں پھینک دیا ہے۔

پولیس سے موصولہ معلومات کے مطابق جب سونو 9 ستمبر کو اپنی گرل فرینڈ سے ملنے پہنچا تو وہاں پہلے سے ہی ایک اور نوجوان اور اس کی گرل فرینڈ موجود تھے، جس پر سونو اور اس کی گرل فرینڈ کے درمیان بحث اور مارپیٹ ہوئی، گرل فرینڈ نے اپنے نئے عاشق کے ساتھ ملکر سونو کو راستے سے ہٹانے کی ایک خوفناک سازش کی۔

لڑکی اور دوسرے عاشق نے سونو کا قتل کرکے لاش کو گنگا نہر میں ڈال کر پولیس کو گمراہ کرنے کی کوشش کی۔ تاہم نگرانی ٹیم کے ذریعے اس واقعے کا انکشاف کرتے ہوئے پولیس نے قتل شدہ لڑکی اور اس کے عاشق کو جیل بھیج دیا ہے۔

فی الحال پولیس کو ابھی تک سونو کی لاش نہیں ملی ہے، تلاش جاری ہے۔