بلندشہر: قرنطینہ سنٹر میں لڑکی کی موت

ریاست اترپردیش کے ضلع بلند شہر میں قرنطینہ سنٹر میں ایک لڑکی کی موت ہوگئی جس سے سنٹر میں ہلچل مچ گیا۔

سینئر سپرنٹنڈنٹ آف پولیس سنتوش کمار سنگھ نے منگل کو یہاں بتایاکہ 'قصبہ کنکوڑ واقع قرنطینہ سنٹر میں 18سال کی ایک لڑکی کی پیر کی رات اچانک موت ہوگئی۔ انہوں نے بتایا کہ 'لڑکی ٹی بی کے مرض میں مبتلا تھی۔ متاثرہ ہردوئی کی رہنے والی تھی۔

متاثرہ کے والد رام سیوک بلند شہر میں مزدوری کرتے تھے اور کرایہ کے مکان میں رہتے تھے۔ لاک ڈاؤن کے دوران کام نہیں ملنے کی وجہ سے وہ پیدل ہی اپنے پورے کنبے کے ساتھ ہردوئی جانے کی تیاری کررہا تھے کہ اس درمیان لڑکی کی طبیعت خراب ہوگئی۔ صحیح علاج کے بجائے اسے قرنطینہ سنٹر بھیج دیا گیا جہاں پیر کی رات اس کی موت ہوگئی۔