غازی پور: یوپی سرحد پر گاڑیوں کی لمبی قطاریں

کورونا وائرس کے خلاف جاری مہم لاک ڈاون کے نفاذ کوعملی جامہ پہنانے کے لئے پولیس ہمہ وقت مصروف عمل ہے ۔ تاکہ تمام لوگوں کی مشترکہ تعاون اور کوششوں کے سے بھارت کورونا پر قابو پا سکے ۔ اس لاک ڈاون کے نفاذ پرعمل آوری کے لئے پولیس کو سختی برتنی پڑ رہی ہے ۔ تاکہ کسی کی غفلت اور لاپراہی کی وجہ سے یہ مہم پایہ تکمیل سے قبل ہی نا کام نہ ہوجا ئے۔

ادھر اتر پردیش کے سرحدی ضلع نوئیڈا اور غازی پور میں کورونا کے بڑھتے خطرات اور مریضوں کی تعداد میں ہو رہے اضافے کے سبب ان اضلاع میں کسی بھی طرح کی نرمی اور رعایت دینےسے گریز کیا گیا ہے۔ ان اضلا ع کی سرحدوں کو سیل کر دیا گیا ہے اور دوسرے اضلاع یا دہلی کی جانب جانے یا آنے جانے والی سڑکوں پر تلاشی کافی سخت کردی گئی ہے۔۔

دہلی پولیس نے بھی کافی سختی کردی ۔ جس کی وجہ سے غازی پور اور یوپی کے سر حد پرطویل جام لگ گیا۔ جس سے لوگوں کو آمد و رفت میں کافی دشواریوں کا سامنا کرنا پڑا ۔ کئی مرحلے سے گزرنے کے بعد بھی لوگوں کو سرحد عبور کرنے میں ناکامی ہاتھ لگی۔ پولیس نے ان لوگوں کو آگے جانے کی اجازت دی ،جن کا جانا ضروری تھا۔ بقیہ افراد کی گاڑیوں کو لوٹا دیا گیا ۔

لیکن اس میں بھی بہت سے ضرورت مند افراد اور مریضوں کو نہیں جانے دیا گیا ۔ایک بزرگ جنہیں غازی آباد کے اسپتال میں گردے کا ٹیسٹ کرانا تھا وہ بھی جا نے سے سے قاصر رہے۔بعد ازاں وہ روتے ہوئے واپس اپنے گھر کی جانب رخصت ہوئے

پولیس کا کہنا ہے کہ افواہ کی وجہ سے یہ صورتحال پیدا ہوئی ۔جہاں یہ خبری گشت کر رہی تھی کہ کہ لاک ڈاؤن میں نرمی بر تی گئی ہے ۔جبکہ پولیس کا کہنا ہے کہ لاک ڈاؤن میں کسی قسم کی رعایت اور نرمی نہیں برتی جائے گی۔