ای ٹی وی بھارت کی خبر کا اثر، وشنو پتھ شمشان گھاٹ سینیٹائز کیا گیا

گیا کے شمشان گھاٹ علاقے میں کھلی جگہ میں پی پی ای کٹس اور ماسکس وغیرہ پھینکے گئے تھے جس کے بعد ای ٹی وی بھارت نے اس خبر کو منظر عام پر لایا۔

گیا کے وشنوپتھ شمشان گھاٹ پر کھلے میں پھینکے ہوئے پی پی ای کٹس، دستانے اور لعش باکس کو ہٹالیا گیا ہے، میونیسپل کارپوریشن نے شمشان گھاٹ اور علاقے میں صفائی کراکر علاقے کوسینیٹائز بھی کرایا ہے۔

شہر کے آبادی والا علاقہ وشنو پتھ شمشان گھاٹ پر کورونا مشتبہ و کورونا سے متاثر ہوکر مرنے والے افراد کی آخری رسومات اداکی جارہی ہیں۔

یہاں لعشوں کو لیکر پہنچنے والے صحت کارکنان نے بڑی لاپروائی کا ثبوت پیش کرتے ہوئے پی پی ای کٹس اور دستانے، ماسکس و لعش باکس کو کھلے میں پھنکنا شروع کر دیا تھا۔

ای ٹی وی بھارت نے صحت کارکنان کی بڑی لاپروائی کامعاملہ اجاگر کیا، جس کے بعد اس خبر کا اثر یہ ہوا کہ میونسیپل کارپوریشن کے کمشنر نے شمشان گھاٹ پہنچ کر گھاٹ اور علاقے کی صفائی کروائی۔

صفائی ملازمین کو انفیکشن سے بچانے کے لئے انہیں تمام حفظاتی سامان دستیاب کرایا گیا تھا، پی پی ای کٹس، دستانے اور ماسکس پہن کر صفائی ملازمین نے صفائی کی۔

ساتھ ہی آئندہ ایسا معاملہ درپیش نہ آئے اس سلسلے میں میونسیپل کارپوریشن سنجیدہ ہے، کارپوریشن کی جانب سے اب شمشان گھاٹ پر ملازمین کو تعینات کیا گیا ہے، جنکی دیکھ ریکھ میں آخری رسومات ادا ہونگی۔

میونسپل کارپوریشن کے کمشنر ساون کمار نے کہا 'صحت کارکنان کی طرف سے لاپروائی ہوئی تھی، معاملہ سامنے آنے کے بعد آج صفائی کرائی جارہی ہے، ساتھ ہی یہ یقینی بنایا جارہا ہے کہ آئندہ ایسا معاملہ پیش نہ آئے'۔