ریاست اترپردیش کے ضلع مئو کے ولیدپور علاقے میں واقع ایک رہائش گاہ میں آج صبح گیس سلینڈر دھماکہ ہوا، دھماکہ اتنا خطرناک تھا کہ دو منزلہ مکان منہدم ہوگیا جس میں 12 لوگوں کی موت ہوگئی، جبکہ چھ افراد کے زخمی ہوگئے ہیں جن کا علاج ہسپتال میں جاری ہے۔
دھماکہ کے بعد گھر ملبے کے ڈھیر میں تبدیل ہوگیا، کئی افراد کو ملبے کے اندر دبے ہونے کا اندیشہ ہے، جبکہ راحت رسانی کا ابھی بھی جاری ہے۔
وزیراعلیٰ یوگی آدتیہ ناتھ نے اس واقعہ پر گہرے رنج وغم کا اظہار کیا ہے اور ضلع انتظامیہ کو ہدایت دی ہے کہ فوری طور پر راحتی اقدامات کو انجام دیتے ہوئے زخمیوں کو طبی امداد فراہم کی جائے۔