اطلاعات کے مطابق علاقے میں کیمیکل کی بدبو پھیلنے سے لوگ اپنے گھروں سے باہر نکل آئے جس کے فوراً بعد پولیس اور ضلعی اہلکار جائے وقوع پر پہنچے۔
شیو پور پولیس تھانہ انچارج ناگیش سنگھ نے بتایا کہ 'کرومک ایسڈ لیک ہونے کی وجہ سے پورے علاقے میں بدبو پھیل گئی۔ تاہم کسی کے بیمار ہونے کی اطلاع نہیں ہے اور نہ ہی کوئی جانی نقصان ہوا ہے۔'
انہوں نے کہا کہ 'گودام کے مینیجر سے پوچھ گچھ کی گئی جس پر اس نے بتایا کہ کرومک ایسڈ پانی میں محلول ہے اور جس ڈرم میں اسے رکھا گیا تھا وہ کھلا رہ گیا تھا اور کسی طرح یہ کیمیکل زمین پر گر گیا تھا اور اس علاقے میں بدبو پھیل گئی۔ تاہم اس لیک سے کوئی نقصان نہیں ہوا ہے۔'
علاقے کے لوگوں کا کہنا ہے کہ 'گنجان آبادی والے علاقے میں ایسے کیمیکل گوداموں کو نہیں ہونا چاہئے۔'
