سونبھدر: گیس سلنڈر 3 ماہ کے لیے مفت دستیاب ہوگا

مرکزی حکومت کے جانب سے صارفین کو مفت گیس سلنڈر تین مہینے یعنی اپریل، مئی اور جون مفت مہیا کرائی جائے گی۔

ریاست اتر پردیش کے ضلع سونبھدرہ انتظامیہ کا کہنا ہے کہ 'ہم گیس ایجنسیوں سے مستقل رابطے میں ہیں تاکہ یہ یقینی بنایا جاسکے کہ کسی بھی اوجو ولا گیس اسکیم کے صارفین کو کسی بھی قسم کی پریشانی کا سامنا نہ کرنا پڑے۔ گیس ایجنسیوں کو حکم دیا گیا ہے کہ وہ تمام صارفین کو گھروں میں گیس سلنڈر پہنچائیں۔ ہم نے گیس کی ادائیگی کی پہلی قسط صارفین کے کھاتے میں ڈالنے کا عمل شروع کردیا ہے۔

سلنڈر ملنے کے 15 دن بعد صارفین دوبارہ بکنگ کرسکیں گے۔ وہیں جو صارفین اپریل میں گیس سلنڈر لینے لیں گے ان کو اگلے مئی میں گیس سلنڈر لینے کے لیے ان کے کھاتے میں رقم مل جائے گی۔ اگر صارف اپریل کے مہینے میں پیسہ آنے کے بعد سلنڈر نہیں لیتا ہے تو اس کے پیسے مئی کے مہینے میں نہیں آئیں گے۔ اسی طرح اگر وہ مئی کے مہینے میں رقم وصول کرنے کے بعد مئی میں سلنڈر نہیں بک کرتا ہے تو جون کے مہینے کی رقم اس کے کھاتے میں نہیں آئے گی۔

صارفین کو صارف موبائل ایپ، واٹس ایپ اور مس کالز پر رجسٹرڈ موبائل نمبر سے آئی وی آر ایس کے ذریعے بکنگ کرنی ہوگی۔ اگر وزیر اعظم اُج ولا اسکیم صارف کے پاس رجسٹرڈ موبائل نہیں ہے تو اس اسکیم کے لیے دستی بکنگ کی اجازت ہوگی۔

گیس لینے کے لیے کسی بھی صارفین کو موبائل لنک کرانے کے لیے گیس ایجنسی پر نہیں جانا ہے۔ گیس ایجنسیوں کو ہدایت کی گئی ہے کہ وہ اپنے ہاکروں کے ذریعے گھر گھر جاکر ان کے موبائل نمبر حاصل کریں۔ ضلع میں ایک لاکھ 75 ہزار اُجوالا یوجنا کنیکشن ہیں۔