دراصل پورا معاملہ یہ ہے کہ بزرگ نے دوا کھانے کے لئے پانی گرم کرنے کے لئے صبح گیس جلایا تھا۔ تبھی یہ حادثہ پیش آیا۔ بزرگ کی حالت تشویشناک بتائی جا رہی ہے۔ بزرگ کا علاج پرائیویٹ اسپتال میں چل رہا ہے۔
اس معاملہ کو لے کر شمش آباد پولیس نے بتایا کہ 'گاؤں مہرم پور میں حادثہ پیش آیا ہے۔ دراصل بزرگ رام کیشن کی طبیعت ٹھیک نہیں ہے۔ ان کا علاج جاری ہے۔'
گاوں کے ہی حکم سنگھ نے بتایا کہ 'بزرگ رام کیشن کو صبح کے وقت دوائی کھانی پڑتی تھی۔ اس کے لئے وہ منگل کی صبح پانچ بجے کے قریب پانی کو گرم کرنے کے لئے گیس چولہے کے قریب پہنچے۔ رام کشن کو معلوم نہیں تھا کہ سلنڈر لیک ہے۔ اس نے جیسے ہی گیس چولہا جلایا۔گیس میں آگ لگ گئی اور ایک تیز دھماکہ ہوا۔ جس کی وجہ سے مکان کی چھت گر گئی۔ بزرگ رام کیشن بھی ملبے میں دب گئے۔'
گاؤں میں تیز دھماکے کی وجہ سے لوگ گھروں سے باہر آئے۔ لوگوں نے دیکھا کہ رام کشن کے گھر کی چھت اڑ گئی ہے اور وہ ملبے تلے چیخ رہا ہے۔ لوگوں نے اسے ملبے سے باہر نکالا اور ہسپتال میں داخل کرایا۔