لکھنؤ کی مشہور تاریخی عمارت پر کوڑا جمع کیا جانے لگا، عوام برہم

Garbage Dumping Near Clock Tower Lucknow: لکھنو کے حسین آباد میں واقع گھنٹہ گھر ان دنوں میونسپل انتظامیہ کی عدم توجہی کا شکار ہے۔ تاریخی گھنٹہ گھر کے ارد گرد کوڑا کرکٹ جما کرنا شروع کردیا گیا ہے جس سے جو نہ صرف مقامی لوگوں پر غلط اثر پڑ رہا ہے بلکہ یہ سیاحوں کے لیے خطرہ بنتا جا رہا ہے۔

لکھنو:ریاست اتر پردیش کےلکھنو کا حسین آباد علاقہ قدیم اور تاریخی عمارتوں کا مرکز ہے جہاں پر بڑا امام باڑا،چھوٹا امام باڑا پکچر گیلری، گھنٹہ گھر، نوبت خانہ، رومی دروازہ سمیت متعدد تاریخی عمارتیں ہیں جہاں پر ملک و بیرون ملک سے سیاح آتے ہیں لیکن مونسپل کارپوریشن کے ملازمین نے گھنٹہ گھر سے متصل کوڑا جمع کرنا شروع کر دیا ہے جو نہ صرف کی مقامی لوگوں پر غلط اثر پڑ رہا ہے بلکہ سیاحوں کے لیے خطرہ بنتا جا رہا ہے۔ اس کوڑے خانے پر آوارہ کتے اور دیگر جانوروں کا ہجوم ہوتا ہے جہاں جانے سے بچے اور نوجوان خوفزدہ ہوتے ہیں۔ گھنٹہ گھر سے متصل ہی کوڑوں کا انبار ہے جس پر عوام شدید برہم ہو رہے ہیں۔

ای ٹی وی بھارت نے نوابی خاندان سے تعلق رکھنے والے نواب مسعود عبداللہ سے بات چیت کی۔ انہوں نے اپنے شدید رد عمل کا اظہار کرتے ہوئے کہا کہ حسین آباد کا علاقہ ہیرٹیج زون ہے اور یہاں ملک بھر سے سیاح ان عمارتوں کو دیکھنے آتے ہیں مونسپل کارپوریشن اگر گھنٹہ گھر کے پیچھے اس طریقے سے کوڑا جمع کرتی ہے تو یہ صرف سیاحوں کے لیے خطرناک ہے بلکہ یہاں کے مقامی لوگوں کے لیے بھی تشویش کا باعث ہے۔

انہوں نے کہا کہ کوڑا جمع کرنے سے تاریخی عمارتوں کی شبیہ خراب ہوگی اور لوگوں پر غلط اثر پڑے گا۔ لکھنو چونکہ ایک سمارٹ سٹی کا درجہ رکھتا ہے لہذا مونسپل کارپوریشن کو چاہیے کہ ایسی تاریخی عمارت سے متصل کوڑوں کا انبار جمع نہ ہونے دے جس سے تاریخی عمارت پر اثر پڑے اور یہاں پر آنے والے سیاحوں پر اثر پڑے۔

انہوں نے کہا کہ مونسپل کارپوریشن کو اس بات کا خیال رکھنا چاہیے کہ یہ علاقہ ہیریٹج زون ہے لہذا یہاں صاف صفائی اور دیگر امور پر خصوصی توجہ دینا چاہیے تاکہ سیاحوں کو کسی قسم کی پریشانی نہ ہو اس علاقے میں عوامی بیت الخلا، صاف صفائی و دیگر ضروری ساز و سامان کا بھی انتظام ہونا چاہیے جو کہ نہیں ہے اور یہ افسوسناک ہے۔ مزید براں کہ یہاں پر کوڑا ڈمپ ہو رہا ہے یہ بہت تعجب خیز ہے۔

ان کا کہنا ہے کہ مونسپل کارپوریشن سے ہم فوری طور پر مطالبہ کر رہے ہیں کہ اس کوڑے کو ہٹایا جائے اور تاریخی عمارتوں کی شان و شوکت کو برقرار رکھنے میں بھی تعاون کیا جائے۔ انہوں نے کہا کہ وزیر اعظم کا نے سوچھ بھارت ابھیان شروع کیا جو آج بھی جاری ہے، تو کیا یہی سوچھ بھارت ابھیان ہے۔ انہوں نے کہا کہ سی اے اے کے خلاف احتجاجی مظاہرہ کے بعد سے ہی گھنٹہ گھر پر پولیس کا کیمپ لگا ہے اور دوسری جانب اب کوڑا بھی جمع ہونے لگا ہے جس سے گھنٹہ گھر کی خوبصورتی ختم ہو رہی ہے۔ اسے فوری طور پر ہٹانا چاہیے۔