ریاست اتر پردیش کے ضلع امروہہ میں رمضان کے موقع پر بازاروں میں فروخت ہونے والے پھلوں کی قیمتوں میں زبردست اضافہ ہوا ہے۔
پھلوں کا مزہ چکھنے کے لیے روزے داروں کو اب زائد پیسے خرچ کرنے پڑ رہے ہیں، پھلوں کی بڑھتی قیمتوں نے سب کا بجٹ خراب کردیا ہے۔
پھل تاجر محمد بھورا نے بتایا کہ کیلا، انگور، سیب، سنتری، انار، کھجور اور تربوز جیسے پھلوں کی قیمت میں بے حد اضافہ ہوا ہے۔
رمضان سے پہلے 40 روپے میں فروخت ہونے والا کیلا 40 سے 70 روپے میں فروخت ہورہا ہے۔ سیب کی قیمت بھی 100 سے بڑھ کر 180 روپے کلو گرام ہوگئی ہے۔ امرود 100 روپے کلو گرام تک فروخت ہورہا ہے ، ساتھ ہی تربوز ، پپیتا اور دیگر پھلوں کی قیمتوں میں بھی اضافہ ہوا ہے۔