کانپور: مفت طبی کیمپ کا انعقاد

جشن عید میلاد النبیؐ کے موقع پر کچھ سماجی کارکنان نے مل کر طلاق محل میں واقع حامد ہسپتال میں ایک فری میڈیکل کیمپ لگایا جس میں سماج کے کمزور طبقے کے لوگوں نے اپنی اپنی صحت کا معائنہ کروایا۔

عید میلاد النبیؐ کے موقع پر کانپور میں کچھ سماجی کارکنان نے مل کر فری میڈیکل کیمپ اور بلڈ ڈونیشن کیمپ منعقد کیا۔

طلاق محل حامد ہسپتال میں لگائے گئے اس کیمپ میں کثیر تعداد میں لوگ میڈیکل چیک اپ کرانے آئے اور بڑی تعداد میں لوگوں نے خون کا عطیہ بھی کیا۔

جشن عید میلاد النبیؐ کے موقع پر کچھ سماجی خدمت گاروں نے مل کر طلاق محل میں واقع حامد ہسپتال میں ایک فری میڈیکل کیمپ لگایا، جس میں سماج کے کمزور طبقے کے لوگوں نے اپنی اپنی صحت کا معائنہ کروایا۔

اس موقع پر کچھ لوگ مختلف طرح کے عارضے میں مبتلا پائے گئے۔ ان سبھی کو ان کے مرض کے مطابق دوائی مہیا کرائی گئی۔

کچھ مریضوں کو آپریشن کی بھی ضرورت ہے ان کے آپریشن کا بھی فری انتظام کیا جا رہا ہے۔ کیمپ میں بلڈ بینک کا بھی انتظام کیا گیا تھا جس میں کافی تعداد میں مسلم نوجوانوں نے اپنے خون کا عطیہ دیا۔