بلند شہر میں چار اسمگلر گرفتار

ریاست اترپردیش کے ضلع بلند شہر کی پولیس نے چار اسمگلروں کو گرفتار کرکے ان کے قبضے سے 46 پیٹی شراب ضبط کیا ہے۔

سینئر سپرنٹنڈنٹ آف پولیس سنتوش کمار سنگھ نے بتایا کہ گلاوٹی پولیس نے ورمد پور گاؤں کے نزدیک ایک کار سے اسمگلنگ کے لیے لائی جارہی انگریزی شراب کی 14 پیٹیاں برآمد کی ہیں۔ پولیس نے اس ضمن میں ضلع ہاپوڑ کے سمت اور شیرپال عرف شیرو کو گرفتار کیا ہے۔

انہوں نے بتایا کہ احمد نگر تھانہ پولیس نے کھیلیا کلیان پور گاؤں کے نزدیک سے بذریعہ کار ہریانہ سے اسمگلنگ کرکے لائی جارہی انگریزی شراب کی 32 پیٹیاں ضبط کی ہیں۔ پولیس نے موقع سے ہریانہ باشندہ جوگیندر اور بلند شہر باشندہ وشوناتھ سنگھ کو گرفتار کیا ہے۔ پولیس ملزمین سے مزید تفتیش کر رہی ہے۔