پرتاپ گڑھ: زہریلی شراب پینے سے خاتون سمیت چار افراد ہلاک

اتر پردیش کے ضلع پرتاپ گڑھ میں زہریلی شراب پینے سے ایک خاتون سمیت چار افراد کی موت ہوگئی۔

پولیس سپرنٹنڈنٹ آفس سے جاری ایک پریس ریلیز کے مطابق گزشتہ شب سنگرام گڑھ کے علاقے منوہر پور رام پورڈابی میں سنیتا سروج نام کی ایک خاتون کی سی ایچ سی سنگرام گڑھ میں علاج کے دوران موت ہوگئی۔

اس کے بعد خاتون کے شوہر جواہر لال اور گاؤں کے 2 دوسرے افراد وجے کمار اور رام پرساد کی بھی موت ہوگئی۔

پورے واقعہ کی تفتیش کے دوران یہ پتہ چلا کہ ان سب نے 13 مارچ کو شراب پی تھی اور اس کے بعد وہ سب بیمار ہوگئے تھے۔

پولیس انسپکٹر جنرل پریاگراج کویندر پرتاپ سنگھ اور سپرنٹنڈنٹ آف پولیس پرتاپ گڑھ، ایڈیشنل سپرنٹنڈنٹ پولیس ایسٹ سریندر پرساد دویدی نے جائے وقوع پر پہنچ کر حالات کا جائزہ لیا۔