مئو: چین سے آنے والے چار افراد طبی نگرانی میں رکھے گئے

اترپردیش کے ضلع مئو میں چین سے واپس آنے والے افراد میں سے چار کو طبی نگرانی میں رکھا گیا ہے۔ سی ایم او کی قیادت میں نگرانی کر رہی ٹیم طبی جانچ کر رہی ہے۔ آج آئی رپورٹ میں ان افراد میں کرونا وائرس نگیٹیو پایا گیا ہے، لیکن ابھی انہیں 28 روز پورے ہونے تک نگرانی میں ہی رکھا جائے گا۔

ریاست اترپردیش کے ضلع مئو کے چیف میڈیکل آفیسر ایس سی سنگھ نے ای ٹی وی بھارت سے بات چیت کے دوران جانکاری دی کہ چین سے آنے والے افراد کے میڈیکل چک اپ کے لیے ضلع ہسپتال میں دس بیڈ کا اسپیشل وارڈ تشکیل دیا گیا ہے۔ اس وارڈ میں جدید طبی سہولیات فراہم کی گئی ہیں۔

چین کے وہان ریاست میں پھیلے کرونا وائرس کے غلبہ سے بھارت میں بھی خوف و ہراس کا ماحول ہے۔ ملک کی تمام ریاستوں میں چین سے آنے والے مسافروں کی مستعدی سے جانچ کی جارہی ہے۔

ضلع مئو کے چیف میڈیکل آفیسر ایس سی سنگھ نے ای ٹی وی بھارت سے بات چیت کے دوران جانکاری دی

ڈاکٹروں کے مطابق کرونا وائرس کی پہچان چین سے آنے والے افراد میں نزلہ و زکام کی شکایت کے بعد کافی سنجیدگی سے کی جا رہی ہے۔