گریٹر نوئیڈا کے بسرکھ تھانہ کے رائس پشتہ روڈ کے قریب تھانہ بسرکھ پولیس اور بدمعاشوں کے مابین ہونے والے انکاؤنٹر میں چار بدمعاش کو زخمی حالت میں گرفتار کیا گیا ہے۔
گرفتار شدہ بدمعاش کی شناخت انکیت، شیوا، آکاش اور سنجو کے طور پر ہوئی ہے، ان کے قبضے سے 4 غیر قانونی طمنچہ اور زندہ کارتوس، ایک چوری شدہ موٹرسائیکل کے علاوہ ایک آلٹو کار اور 9 موبائل برآمد ہوئے ہیں۔
حالانکہ بدمعاش کا ایک ساتھی اندھیرے کا فائدہ اٹھا کر فرار ہونے میں کامیاب بھی ہوگیا، جس کی تلاش جارہی ہے، زخمی شرپسندوں کو علاج کے لیے ضلع اسپتال میں داخل کرایا گیا ہے۔
یہ چاروں شاطر بدمعاش دہلی اور این سی آر میں مجرمانہ وارداتوں انجام دیتے تھے، ڈی سی پی سینٹرل ہریش چند کے مطابق کے رات میں چیکنگ کے دوران ایک بغیر نمبر کی آلٹو کار نظر آئی ساتھ میں بائک بھی تھی، جب پولیس نے رکنے کا اشارہ کیا بدمعاش بھاگنے لگے، پولیس نے تعاقب کیا تو بدمعاشوں نے کار سے اتر کر گولی چلائی، فائرنگ کے تبادلے میں چاروں شر پسند زخمی ہوئے اور انہیں گرفتار کر لیا گیا۔