انکاؤنٹر کے بعد پاردی گینگ کے چار بدمعاش گرفتار

پولیس نے نوئیڈا میں چار پادری گینگ کے بدمعاشوں کو گرفتار کیا ہے، جن پر الزام ہے کہ وہ ایک بری واردات کو انجام دینے والے تھے۔

ریاست اترپردیش میں ضلع گوتم بدھ نگر کے نوئیڈا سیکٹر میں ایک بڑی واردات کو انجام دینے کی کوشش کرنے والے پاردی گینگ کے بدمعاشوں کے ساتھ انکاؤنٹر کے بعد پولیس نے چار بدمعاش کو گرفتار کرلیا۔

اطلاع کے مطابق نوئیڈا میں پارڈی گینگ کے بدمعاشوں سے سیکٹر 50 نوئیڈا کے لنک روڈ اور پولیس اسٹیشن 49 کے قریب انکاؤنٹر کے دوران پولیس کی فائرنگ سے ایک بدمعاش زخمی ہو گیا، جبکہ پولیس کو چکمہ دے کر فرار ہونے کی کوشش کررہے تین بدمعاش سنجے عرف سندیپ چودھری، پون عرف پرمود اور گجندر پاردی کو گرفتار کرلیا۔

پولیس نے بدمعاشوں کے پاس سے 315 بور کا ایک پستول، دو کارتوس، دو کاریں، ایک کالا بیگ، دو بڑے اسکریو ڈرائیور، ایک لوہے کا کٹر، ایک تار کٹر، ایک قینچی، دو چھوٹی ٹارچ لائٹز، ایک موواسپرے، چار ماسک، ایک آڈوموس ٹیوب اور لونگی کے ٹکڑے برآمد ہوئے ہیں۔

پولیس نے زخمی بدمعاشوں کو علاج کے لیے ضلعی ہسپتال میں داخل کرادیا ہے۔