بجنور: سڑک حادثے میں چار افراد ہلاک

ضلع بجنور میں کار میں سوار پانچ دوست بریلی سے کلیر شریف درگاہ کی جانب جا رہے تھے کہ اچانک ان کی کار بے قابو ہو کر قریب کے تالاب میں گر گئی۔ جس کی وجہ سے چار افراد کی موقع پر ہی موت ہوگئی جبکہ پانچویں ساتھی نے بمشکل کار سے نکل کر اپنی جان بچائی۔

ریاست اترپردیش کے ضلع بجنورکے تھانہ نہٹورکے نورپور راستے پر گزشتہ رات تقریباً ساڑھے بارہ بجے کے قریب پانچ دوست کار میں سوار ہو کر بریلی سے کلیر شریف درگاہ پر زیارت کے لئے نکلے تھے کہ اسی دوران راستے میں ہی کار بے قابو ہو کر قریب ایک تالاب میں گر گئی جس کی وجہ سے چار شخص کی موقع پر ہی موت ہو گئی، جبکہ پانچویں شخص نے بمشکل کار سے نکل کر اپنی جان بچائی۔ لیکن حنیف نے اپنے دوستوں کو بچانے کی کوشش کی تھی لیکن وہ بچا نہ سکا۔

اس معاملے میں پولیس نے کارروائی کرتے ہوئے چاروں لاشوں کو پوسٹ مارٹم کے لئے روانہ کیا۔